Rock & Roll para muñones é un curso gratuito para aprender a tocar a guitarra, que explica dun xeito sinxelo e desenfadado as dificultades técnicas e a linguaxe musical necesario para aprender a interpretar este estilo musical.
Acaba de publicarse Frescobaldi 2.0.6. Hai novas funcionalidades como o pregado e despregado de bloques de texto ou a posibilidade de abrir ficheiros na mesma xanela ao lanzar documentos desde o explorador de ficheiros e tamén correccións de erros detectados en versións anteriores. Lembramos que funciona con KDE4 e que hai un instalador para Windows.
O estupendo sitio de partituras Werner Icking Music Archiv fusiónase con IMSLP desde o mes de setembro de 2011. Todas as partituras de WIMA pasaron a formar parte do amplo catálogo de IMSLP.
Hoxe, 31 de xaneiro de 2012, cúmprense 215 anos do nacemento do grandísimo músico vienés Franz Schubert (1797-1828). En tan só 31 anos de vida, Schubert deixounos intres musicais intensos, fermosos, cheos de morriña e desesperación, de auténtica ledicia... Schubert, un xenio da harmonía e da modulación, un arquetipo de artista do primeiro romanticismo.
Da súa obra podiamos escoller calquera grande composición. Ímonos decantar por unha obra de cámara: o Andante do Trío nº 2 op 100 en Mi bemol maior. Escoiten e disfruten... Un boa versión: Trío Wanderer.
Feliz 2012!!!
Este ano no Concerto de Aninovo da Filharmónica de Viena, estupendamente dirixido por Mariss Janson, houbo un par de pezas que nos chamaron moito a atención. Aquí ímonos referir á primeira, titulada Tranvía a vapor de Copenhague, do compositor danés Hans Christian Lumbye, moi amigo dos Strauss. A composición describe unha viaxe en tren a vapor con todos os sons propios da mesma. A versión da orquestra vienesa é endiabladamente magnífica: grande realismo e axeitada velocidade. Toda unha homenaxe ao ferrocarril...
