Musicanaescola

Concerto de primavera 2014

Detalles

Creado o Mércores, 14 Mai 2014 16:36

Última actualización do Mércores, 14 Mai 2014 16:36

Publicado o Mércores, 14 Mai 2014 16:36

Escrito por Administrator

Visitas: 2451

A Asociación de amigos do Órgano de Ourense "Un rato no tubo" organiza o vindeiro xoves, 15 de maio de 2014, ás 20: 15 h, na Igrexa de Santa Eufemia do Centro,  o Concerto de primavera, a cargo da soprano Ilduara Perianes e da organista Marisol Mendive.

En programa obras de Fauré, Pierné, Montsalvatge, Blancafort, Toldrá, Marcial del Adalid, Franck, Dubois e M. G.Mendoza. Desta última compositora, e profesora do CMUS de Ourense,  interpretarase o estreo absoluto da obra "Poema XLIV sobre un texto de G.A. Bécquer: Como un libro abierto"

Entrada libre.

Siciliano - BWV 1031 - Bach

Detalles

Creado o Domingo, 16 Marzo 2014 12:06

Última actualización do Domingo, 25 Xuño 2017 18:52

Publicado o Domingo, 16 Marzo 2014 12:06

Escrito por Administrator

Visitas: 3338

Ofrecemos dúas versións para piano dun mesmo arranxo. Trátase do que realizaou o estupendo pianista Wilhem Kempff sobre o Siciliano da Sonata nº 2 para frauta de J.S. Bach.

A primeira está interpreta pola pianista polaca Iwona Karasinska-Schlair.

A segunda interpretación vén das mans de Evgeni Kissin cando contaba con 19 anos de idade.

 A terceira é unha versión coa partitura:

Estudo Op 25 nº 1 - Chopin

Detalles

Creado o Domingo, 09 Marzo 2014 19:40

Última actualización do Domingo, 09 Marzo 2014 19:41

Publicado o Domingo, 09 Marzo 2014 19:40

Escrito por Administrator

Visitas: 3452

Os estudos para piano de Chopin forman parte do catálogo pedagóxico que os pianistas deben interpretar para adquirir musicalidade, técnica e expresividade. O Op 25 nº1 consiste nunha serie de arpexios na man dereita nos que a primeira nota vai realizando unha melodía e a esquereda fai ás veces un acompañamento 2 a 3 e outras veces ten o mesmo ritmo da man dereita. En calquera caso, a harmonía é moi rica, con acordes aumentados que confiren un clima de ensoñación e exotismo.

Estes días soa moito esta música posto que o comezo do estudo é a banda sonora dunha campaña publicitaria de Siemens.

Neste vídeo pódese escoitar e seguir a partitura.

Sonata para órgano a catro mans e catro pés - Merkel

Detalles

Creado o Luns, 02 Decembro 2013 19:00

Última actualización do Luns, 02 Decembro 2013 19:00

Publicado o Luns, 02 Decembro 2013 19:00

Escrito por Administrator

Visitas: 3403

No extraordinario concerto dos organistas Pablo Márquez e Atsuko Takano, celebrado o venres 29 de novembro e organizado pola Asociación de Amigos do Órgano Un rato no tubo, puidemos disfrutar, entre outras obras estupendamente interpretadas polos dous intérpretes, da Sonata para catro mans e catro pés Op 30 de Gustav Merkel. Unha obra en tres tempos onde os organistas poden amosar a súa técnica e musicalidade e tirar todo o partido posible do instrumento que teñen baixo as súas catro mans e os seus catro pés.

A coordinación tamén é moi importante... como poden apreciar nesta gravación de Pierre Nimax jr. e Paul Kayser.