Fantástica interpretación de Didier Matry no órgano Cavaillé-Coll de Saint-Augustin (Paris) desta Toccata en Si menor de E. Gigout. Sorprendente inicio e final do vídeo...
O tradicional Concerto de Primavera, organizado pola Asociación de Amigos do Órgano de Ourense Un Rato no Tubo, en colaboración coa Parroquia de Santa Eufemia, terá lugar o vindeiro sábado 25 de abril, ás 20:30 h, no órgano Walcker da Igrexa de Santa Eufemia do Centro- Ourense.
Nesta ocasión poderemos escoitar á organista Soledad Mendive e ao trompetista Rubén Freire Bermúdez. A entrada é de balde.
O proxecto de gravar toda a obra de J.S. Bach en formato dixital de calidade e ofrecela en streaming accesible a calquera persoa arrancou oficialmente o 2 de maio de 2014. Este proxecto chámase All of Bach.
Está respaldado pola Nederlandse Bachverenining e dirixido por Jan Van den Bossche. Quere ser coma un resumo dun período moi importante na historia da práctica interpretativa da música barroca. Cada semana, máis ou menos, engádese unha nova interpretación. Ademais de poder vivir a música, tamén nos proporcionan informacións variadas sobre a partitura, o instrumento ou o intérprete da cada unha das gravacións.
Como mostra, nesta ligazón pódese gozar coa Toccata e fuga en re menor BWV 538, Dórica (así chamada na Edición Peters para diferenciala da outra máis famosa). Está interpretada polo organista Leo Van Doesebaar no órgano da Walloom Church, en Holanda.
Das mans da pianista Kimiko Ishizaka e de Olivier Miquel e outros, empregando o programa libre de notación MuseScore 2.0, vense de publicar o proxecto de editar a partitura e gravar en formato audio de calidade a obra de J.S.Bach "O Clave ben temperado".
Máis información nestas dúas ligazóns:
Para baixar as partituras aquí.
Como mostra o Preludio e Fuga nº 2
O lied de Schubert, Ständchen, Serenata, pertence á colección de lieders Schwanengesang, O canto do cisne. É unha obra póstuma. A Serenata é un poema de Ludwig Rellstab.
Simon Keenslyside interpreta este lieder:
A pianista Katharina Treutler interpreta a versión realizada por Franz Listz para piano.
