O músico Roi Casal compuxo este tema sobre o poema A Fala, do poeta lugués Manuel María. Un bo momento para reflexionar sobre a lingua galega no Día das Letras.
Sensacional vídeo realizado por Pablo Morales de los Ríos sobre a evolución da música en Occidente desde os seus inicios ata os nosos días.
O 24 de febreiro de cada ano vense celebrando o aniversario do nacemento de Rosalía de Castro, grande poeta, quen publicou o primeiro libro en galego, Cantares Gallegos, en 1863, inaugurando un máxico período na historia da literatura galega coñecido como O Rexurdimento.
Amancio Prada musicou moitos poemas de Rosalía e realizou diferentes gravacións. Presentamos unha delas moi fermosa. Foi a que se realizou coa Real Filharmonía de Galicia baixo a batuta de Maximino Zumalave.
Da man de Adriano Fernández Osinaga traemos a audición da marabillosa peza de Piazzolla Oblivion intepretada cun instrumento pouco frecuente: o serrucho musical.
O compositor Frederick Delius compuxo en 1890 un pequeno poema sinfónico titulado Noite de inverno, unha escoita moi axeitada para estas datas.
