Esta Sarabanda da suite en re menor de Haendel é unha das composicións máis famosas do músico alemán afincado en Inglaterra. Nela aparece, como non, o recurso da variación, arte na que o compositor é un auténtico mestre. Non nos estrana que outros autores posteriores, tamén xenios da variación, como Beethoven ou Brahms, estudasen a fondo estas partituras.
Un órgano portátil construido con papel. O fol é un globo.
Joseph Rheinberger (1839-1901) foi un compositor alemán que cultivou case todos os xéneros, pero destaca na música vocal sacra e na música para órgano.
Unha mostra do seu facer como compositor é este Abenlied (Canción da tarde) "Queda connosco, porque xa é tarde o día está case morrendo." (Lc. 24, 29) Hai que salientar a atmosfera sonora creada, propia do solpor, a base de disonancias moi ben dispostas e resoltas e procedementos imitativos.
Guillerme Fernández, Guadi Galego, Xabier Díaz e Xosé Lois Romero xuntáronse a modo de cuarteto para crear Teu nome por mar e terra, fermosa canción, pausada, coidada, sensible...
Agora, Xabier Díaz coas Adufeiras de Salitre, interpretan Cantiga de montaña, de inspiración popular, pero tratada dun xeito moi interesante e renovador, coa inclusión da percusión corporal. O lugar semella nas ribeiras do río Tambre...
