Inicio
O Cancioneiro Popular Galego - Dorothé Schubarth e Antón Santamarina
- Details
- Written by: admin
- Category: Noticias
- Hits: 81
O Cancioneiro Popular Galego e as cantareiras Adolfina e Rosa Casás Rama (Cerceda), Eva Castiñeira (Muxía), Prudencia e Asunción Garrido Ameijende e mais Manuela Lema Villar van ser obxecto de homenaxe no Día das Letras Galegas 2025.
A musicóloga suíza Dorothé Schubarth, que faleceu o mércores 6 de setembro de 2023, profesora de Harmonía e Contrapunto na Academia de Lucerna, dedicouse a estudar a música popular europea dos Balcáns, Cáucaso, Alemaña e Francia. Nas vacacións de 1978 chegou a Galicia, percorreu o país e rexistrou grabacións de música popular galega durante anos e aplicou a metodoloxía científica da musicoloxía para clasificar, analizar e estudar todo o material recollido. Xunto co filólogo Antón Santamarina, publicaron o Cancioneiro Popular Galego, con sete volumes, que foi financiado pola Fundación Barrié de la Maza.
No ano 2014, a musicóloga doou todos os seus rexistros sonoros ao Museo do Pobo Galego e ao Consello da Cultura Galega, entidades nas que é posible acceder a todo ese material de valor incalculable.
Sen o traballo de persoas como Dorothé, pioneira na etnomusicoloxía en Galicia e revalorizadora da calidade da nosa cultura, ou Antón Santamarina, sería imposible coñecer e ter á nosa disposición este tesouro da poesía e da música popular. A nós, tócanos amosar o noso agradecemento polo seu traballo e reivindicar a difusión deste impresionante legado.
Pódese acceder a unha versión en liña deste cancioneiro: Ligazón para acceder á versión en liña do Cancioneiro Popular Galego - Fundación Barrié. Precisaría dunha anovación tecnolóxica.
Nova versión de Musicanaescola
- Details
- Written by: admin
- Category: Noticias
- Hits: 154
Hoxe comezamos unha nova etapa en Musicanaescola. Pouco a pouco iremos subindo contido antigo, pero significativo, xunto co novo que se xere a partires de agora.
A versión completa está aquí.
Adaxio e fuga en do menor KV 546 - Mozart
- Details
- Written by: admin
- Category: Música para escuchar
- Hits: 72
É unha práctica común que compositores prolíficos empreguen temas ou obras xa compostas por eles mesmos para elaborar novas pezas musicais.
Mozart empregou a fuga para dous pianos KV 426, tamén en do menor, para engadirlle un adaxio ou introdución e escribir a obra KV 546 para cuarteto de cordas (que tamén pode ser interpretada por unha orquestra de cordas).
O adaxio mostra un tema contrastante en canto a dinámica e textura que vai evolucionando ata chegar a un final tranquilo. A fuga é un prodixo do contrapunto herdeiro do mellor Bach, cun tratamento do tema principal en inversión, amplificación, con estreitos ben definidos e grande densidade na textura.
Esta obra foi transcrita e arranxada para varias formacións e instrumentos:
Para orquestra de cordas - WDR Sinfonieorchester e Jörg Widmann:
Para dous pianos - neste caso amosamos a fuga KV 426 coa partitura:
Para órgano - versión con partitura:
Concerto la menor para violín BWV 1041 - Segundo movemento - J.S.Bach
- Details
- Written by: admin
- Category: Música para escuchar
- Hits: 101
O segundo movemento do Concerto para clave BWV 1058 de J.S.Bach posúe un engado especial. Alterna un motivo rítmico obstinado no continuo coas diferentes aparicións do solista, que vai construíndo un discurso cada vez máis lírico. Todo isto é unha proba evidente do principio barroco do contraste.
Presentamos a versión da violinista Vilde Frang coa orquestra HR-Sinfonieorchester dirixida por Philippe Herreweghe.
Bach fixo unha versión para clave no concerto BWV 1058, aquí interpretado por Trevor Pinnock co English Concert.
Page 1 of 4