O poder dunha linguaxe universal: a música
- Detalles
- Escrito por Administrator
- Visitas: 3009
Unha linguaxe serve para comunicarse; para compartir inquedanzas, sentimentos e ideas; para unirse e pasar un anaco de tempo inesquecible. Isto lle pasou a un turista que ao contrabaixo acompañou a uns músicos da rúa interpretando "Les feuilles mortes". Ensaios, ningún. Os tres músicos teñen clara a estrutura armónica e formal da canción e realizan unha serie de improvisacións a cada cal mellor. O público en directo e nós, grazas a este vídeo, somos testemuñas do poder da música: unha linguaxe universal.
Sinfonía nº 6 Tchaikovsky - Orquestra Xoven da Sinfónica de Galicia
- Detalles
- Escrito por Administrator
- Visitas: 3145
Unha versión da Sinfonía nº 6 de Tchaikovsky interpretada polos xóvenes músicos da Orquestra Xoven da Sinfónica de Galicia. Unha versión dun alto nivel artístico que nace do estupendo facer interpretativo desta xuventude. Noraboa a eles e elas e tamén, por suposto, ás súas profesoras e profesores. Excelente traballo do director, tamén xoven, José Miguel Pérez Sierra.
VIII Xornadas de Órgano Cidade de Ourense 2018
- Detalles
- Escrito por Administrator
- Visitas: 1712
A vindeira semana terán lugar as VIII Xornadas de Órgano "Cidade de Ourense" organizadas pola Asociación de Amigos do Órgano Un rato no tubo. Unha serie de actividades arredor do órgano e dos organistas. Concretamente, este ano será Saskia Roures a invitada especial.
Presentamos o cartaz do evento.
IV Pequenas Xornadas de Órgano - Cantos en tubos
- Detalles
- Escrito por Administrator
- Visitas: 1485
O vindeiro sábado 6 de outubro de 2018 terán lugar, no coro alto do Mosteiro de San Salvador de Celanova, as IV Pequenas Xornadas de Órgano "Cantos en tubos", organizadas pola Asociación de Amigos do Órgano de Ourense Un rato no tubo, o Concello de Celanova e a Fundación Curros Enríquez.
Rosa Mª Vicente, mestra e doutora en materiais didácticos e musicais en Ed. Infantil, e Marisol Mendive, organista e profesora de órgano do CMUS de Ourense, desenvolverán unha sesión musical destinada a nenas e nenos con cancións infantís galegas musicalizadas e contextualizadas a través do órgano de tubos.
A entrada é gratuita.
Concerto do grupo Los Evers
- Detalles
- Escrito por Administrator
- Visitas: 1495
Cando a finais dos anos sesenta e principios dos setenta o fenómeno dos The Beatles chegou á nosa terra, unha morea de xóvenes, engaiolados pola música, por disfrutar tocando xuntos e por facer disfrutar ao público que os escoitaba, formou unha enorme variedade de grupos musicais que amenizaba festas, tocaba en salas ou daba concertos por toda a xeografía galega. Eran Los Evers, Los Posters, Los Murciélagos, Los Warner... Intentaban emular a eses grupos internacionais facendo versións propias dos grandes éxitos, aprendían uns dos outros nos ensaios, incluso compoñían os seus temas, gozaban coa camaradería e compartían valores como a amizade, a liberdade, a xuventude, a aventura... Non eran tempos fáciles para desenvolver esta afección... A súa estética rachaba co habitual por aqueles tempos e a liberdade que compartían non casaba cun rexime nacional-católico que xa estaba no seu ocaso.
O tempo foi pasando, os grupos evolucionaron, sufriron cambios na súa formación e, por circunstancias propias da vida, enmudeceron. Pero a chama da música quedou en todos e cada un dos seus integrantes de tal xeito que, xa superada a cincuentena, volveron xuntarse para emular aqueles tempos, para seguir vibrando xuntos en cada un dos ensaios e das actuacións, brindando ao seu público, a aqueles xóvenes de entón que reviven tempos pasados cos seus ídolos e cos temas musicais que os fixeron felices e ao novo público, música en directo, fresca, única, verdadeira, con versións ben traballadas, co mellor son que a tecnoloxía actual proporciona.
Se o queren comprobar, o grupo Los Evers dará un concerto en Bbikalla Park o vindeiro venres 7 de setembro ás 23:30 h. Sería unha boa oportunidade para pasar un magnífico momento deixándose levar polo bo facer deste grupo ourensán.
Page 8 of 23