Vimos de implementar no noso sitio un sistema bilingüe galego-castelán. O idioma principal de Musicanaescola é o galego, pero cada artigo estará traducido ao castelán, de tal xeito que, premendo na bandeira española que está situada na parte superior dereita, aparecerá o mesmo artigo en castelán.
Así pretendemos evitar duplicidades. Tamén temos decidido ir pechando paulatinamente o Blog-Musicanaescola, pois ímolo integrar no sitio raíz. Pensamos cambiar a temática do blog, de xeito que a medida que se vaian baleirando os vellos contidos relacionados coa música e a educación musical, irán aparecendo os novos contidos, máis relacionados co mundo das novas tecnoloxías, o software libre e a educación.