Un dos momentos máis cautivadores do Concerto de Ano Novo 2011, pola beleza, delicadeza e tenrura da música, pola fascinante coreografía, pola maxestuosidade das salas onde se gravou o ballet, e, sobre todo, pola excepcional interpretación da orquestra conducida polo director austríaco Franz Welser-Möst, quen escolleu un tempo axeitado, un fraseo con certo rubato nalgúns intres, todo isto moi apropiado para expresar esa nostalxia que a distancia lle dá a unha relación. A peza titúlase Aus der Ferne - Polca-Mazurca op 270 de Joseph Strauss.