Freuet euch des Lebens - Op 340 - Johann Strauss

Detalles

Escrito por Administrator

Creado o 15 Xaneiro 2012

Última actualización do 24 Decembro 2015

Visitas: 2218

A segunda peza que nos chamou a atención no Concerto de Aninovo 2012 foi "Freuet euch des Lebens" (Disfrutade da vida ou Aledavos a vida) - Op 340 de Johann Strauss. Un fermosa tanda de valses, con ánimo optimista e moi ledo, cunha coreografía orixinal.

Gavota - Brahms

Detalles

Escrito por Administrator

Creado o 15 Xaneiro 2012

Última actualización do 15 Xaneiro 2012

Visitas: 2268

Esta é unha versión de Johannes Brahms da sección central dunha Gavota do compositor alemán Gluck.

Versión Scorch

Versión Pdf

Aquí un vídeo coa interpretación de Robert Groslot

Variacións sobre un tema de Paganini op 35 - Brahms

Detalles

Escrito por Administrator

Creado o 07 Novembro 2011

Última actualización do 24 Decembro 2015

Visitas: 2149

As Variacións sobre un tema de Paganini op 35 de Brahms (Estudos para pianoforte) constitúen un monumento, xunto coas Variacións sobre un tema de Haendel (para piano) e as Variacións sobre un tema de Haydn (para orquestra) do mesmo autor, á forma musical da variación. Brahms era un auténtico MESTRE desta forma musical. Traballar un tema, diseccionalo, modificalo de xeito que o espírito do mesmo non se perda, amplialo, enriquecelo ata chegar ao culmen da grande variación, onde a inventiva e a inspiración do compositor amósanse protagonistas da obra, "superando" o terma musical que a orixinou. Este é o traballo de Brahms. Magnífico. O virtuosismo técnico que a partitura encerra (son uns estudos para piano de máxima dificultade) non se pode afrontar sen unha enorme musicalidade por parte do intérprete.

Ofrecemos dous vídeos de dous pianistas. O primeiro libro, (14 variacións), un pianista que xa ocupado un lugar de honra na historia da interpretación neste instrumento, Emil Gilels. (14 variacións)

O segundo libro, outras 14 variacións, está interpretado por outro pianista ruso, Dmitriy Onyshchenko, xoven pianista gañador dun Concurso Tchaikovski.

Análise do primeiro movemento Sonata op.2 n°1 -Beethoven

Detalles

Escrito por Administrator

Creado o 08 Outubro 2011

Última actualización do 09 Outubro 2011

Visitas: 2603

Amosamos a análise realizada co aplicativo iAnalyse do Primeiro Movemento da Sonata para piano en fa menor op 2 nº1 de Beethoven. A partitura posúe toda a información precisa para disfrutar da música e apreciar dun xeito intuitivo a forma-sonata que adoita este movemento.