Preludio e fuga nº 1 en mi menor - Mendelssohn

Detalles

Escrito por Administrator

Creado o 16 Novembro 2014

Última actualización do 16 Novembro 2014

Visitas: 1300

Félix Mendelssohn foi o responsable de recuperar a música de Johan Sebastian Bach para os compositores románticos. Escribiu, ademais de varios preludios e fugas e sonatas para órgano, seis preludios e fugas para piano que se catalogaron co opus 35.

Ofrecemos unha versión moi valiosa, interpretada en directo, do Preludio e fuga nº 1 en mi menor. É unha obra que en principio semella un exercicio de composición pero que se mostra como unha obra espectacular. O preludio está na liña dos que Bach compoñía para órgano, cun piano moi arpístico. A fuga é xenerosa, densa e variada. Empeza soando a Bach, logo semella algunhas das fugas de Beethoven con accelerando incluídos, sigue unha potente sección en octavas en fortísimo e ao final contén un pequeno coral. A fuga remata cun clima de calma.

Toca Paula Biedma.

Jordi Savall, chapeau!

Detalles

Escrito por Administrator

Creado o 02 Novembro 2014

Última actualización do 02 Novembro 2014

Visitas: 1304

O estupendo músico Jordi Savall, cunha senlleira traxectoria como investigador e divulgador da música antiga, vén de renunciar ao Premio Nacional de Música concedido polo Ministerio de Educación e Cultura. Entendemos, apoiamos e aplaudimos as razóns polas que xustificou a renuncia. Contra a incultura musical dos políticos, máis Educación Musical, máis apoio a intérpretes, directores, grupos musicais, orquestras, investigadores do patrimonio musical español, asociacións musicais e máis concertos (rebaixa do IVE á cultura)... Os feitos son as verdadeiras luces que iluminan este camiño bretemoso polo que estamos a pasar.

La granja musical

Detalles

Escrito por Administrator

Creado o 29 Setembro 2014

Última actualización do 29 Setembro 2014

Visitas: 1383

La granja musical é un recurso para aprender divertíndose conceptos da linguaxe musical desde os máis básicos ata o que son cada vez máis complexos. Está realizado por un equipo de profesoras e profesores do Conservatorio de Almendralejo - Badaxoz. Pódese ver en El blog del Lenguaje Musical de María Quintanilla.

Acuario - Carnaval dos animais - Musicograma

Detalles

Escrito por Administrator

Creado o 29 Setembro 2014

Última actualización do 29 Setembro 2014

Visitas: 1630

Lamberto del Álamo realizou este magnífico vídeo cun musicograma sobre Acuario - Carnaval dos animais - Camille Saint-Saëns.

É unha mágoa que a súa visualización en sistemas Linux sexa complicada.